ကနဦးပေးသွင်းငွေ နဲ့ ကြိုတင်ငွေ ဘာကွာလဲ ❓

ဘယ်နေရာမှာပဲ ချေးငွေလျှောက်လျှောက် ကနဦးပေးသွင်းငွေ နဲ့ ကြိုတင်ငွေတို့ရဲ့ ကွာခြားချက်လေးကို သေချာလေး သိထားရင် အကောင်းဆုံးပဲမို့ “Pristine Global Finance” က အသေးစိတ် ပြောပြပေးပါရစေ။

Pristine Global Finance မှာ ချေးငွေလျှောက်တယ်ဆိုပါစို့…

✅ ကနဦးပေးသွင်းငွေ ဆိုတာက

ကိုယ်က ပစ္စည်းတစ်ခုခုဝယ်ယူချင်လို့ Pristine မှာ အရစ်ကျစနစ် (Hire Purchase) နဲ့ ချေးငွေလျှောက် ထားတဲ့အခါ Pristine ဘက်က ချေးငွေလျှောက်ထားသူရဲ့ အချက်အလက်တွေကို အရင်ဆုံးစိစစ်ပြီးမှ ချေးငွေ ချေးပေးမယ့်သူကို ရွေးချယ်ပါတယ်။

ချေးငွေခွင့်ပြုမိန့်ကျပြီဆိုတာနဲ့ မိမိဝယ်ယူလိုတဲ့ ပစ္စည်း (ဥပမာ – မော်တော်ကား) ကို ရွေးချယ်လို့ရပါပြီ။ Pristine နဲ့ ချေးငွေလျှောက်သူ နှစ်ဦးနှစ်ဖက် သဘောတူညီမှုရရှိပြီးရင်တော့ စာချုပ်စာတမ်းနဲ့တကွ ချေးငွေ လျှောက်ထားမှုကို အောင်မြင်စေပါတယ်။ စာချုပ်ချုပ်ပြီးမှသာ မိမိဝယ်ယူချင်တဲ့ ပစ္စည်းတန်ဖိုးရဲ့ 30% ကို ကနဦးပေးသွင်းပေးရတာမို့ ခိုင်မာချက် အပြည့်အဝရှိပါတယ်။

✅ ကြိုတင်စပေါ်ငွေဆိုတာက

ချေးငွေလုပ်ငန်းနာမည်ခံပြီး ငွေကြေးလိမ်လည်နေကြသူတွေသာ တောင်းလေ့ရှိကြပါတယ်။ ငွေကြေးလိုအပ် နေသူများက ချေးငွေလျှောက်ထားချင်တဲ့အခါ ချေးငွေလက်ထဲမရောက်ခင်၊ စာချုပ်စာတမ်း မချုပ်ဆိုခင်မှာ တင် ချေးငွေလျှောက်ထားနိုင်ဖို့အတွက် စပေါ်ငွေ သို့မဟုတ် အတိုးငွေကို အရင်ပေးသွင်းဖို့ မသမာသူများက တောင်းဆိုပြီး လိမ်လည်ကြတာမျိုးကို ဆိုလိုတာပါ။

ဥပမာ – ကိုယ်က ၅သိန်းချေးလိုတယ်ဆိုပါစို့။ ၅ သိန်းချေးဖို့ရာအတွက် တစ်ပြားတစ်ကျပ်မှ ကိုယ့်လက်ထဲ မရောက်သေးခင် ကိုယ့်အိတ်ထဲက ၅သောင်းကို ကြိုတင်စပေါ်ငွေ သို့မဟုတ် အတိုးငွေအဖြစ် ပေးသွင်းရတာ မျိုးပါ။ ပေးသွင်းလိုက်ပြီးရင်တော့ ချေးငွေမရတဲ့အပြင် အဲ့ဒီငွေ ငါးသောင်းပါ အဆုံးဖြစ်သွားတာမို့ အထူးသတိ ထား ရှောင်ကြည်သင့်ပါတယ်။

⚠️ ကြိုတင်စပေါ်ငွေဆိုတာကတော့ မှန်ကန်သော ချေးငွေလုပ်ငန်းတွေမှာ လုံးဝ မရှိပါဘူး။ ⚠️